Har bir biznes yoʻnalishi oʻziga xos saqlash tizimini talab qiladi. Notoʻgʻri tanlangan konstruksiya xona maydonini cheklab qoʻyishi yoki yuklama ostida geometriyasini yoʻqotishi mumkin. Asosiy metall stellaj turlari va ularning qaysi sohalar uchun moʻljallanganligini koʻrib chiqamiz.
Arxiv stellajlari — hujjatlar va ofislar uchun
Ofislar, buxgalteriya boʻlimlari, banklar, tibbiyot muassasalari va arxiv xonalari uchun eng optimal tanlovdir.
- Hujjatlar, yigʻmajildlar (papka-registratorlar) va kitoblarni tizimli saqlashga moʻljallangan.
- Tokchalar oraligʻi oson sozlanadi, minimal maydonda maksimal sigʻim yaratadi.
Savdo stellajlari — doʻkon va supermarketlar uchun
«Korzinka» va shunga oʻxshash supermarketlar, oziq-ovqat va nooziq-ovqat savdo nuqtalari uchun ishlab chiqariladi.
- Xaridorlar uchun tovarlarni koʻrgazmali va qulay joylashtirishni taʼminlaydi.
- Savdo zaliga ozoda, zamonaviy koʻrinish beradi va doimiy tovar aylanmasiga chidamli boʻladi.
Oʻrta yuklama stellajlari — omborlar, ustaxonalar va servis markazlari uchun
Koʻp tarmoqli va universal konstruksiya hisoblanadi:
- Omborlardagi oʻrtacha ogʻirlikdagi qutilar, tovarlar va mahsulotlarni saqlash;
- Avtoservislar va texnik xizmat koʻrsatish markazlarida avtomobil ehtiyot qismlari, asbob-uskunalar va ogʻir jihozlarni joylashtirish;
- Qurilish mollari va xoʻjalik doʻkonlarining savdo hamda saqlash maydonlari uchun.
Pallet stellajlari — sanoat omborlari va logistika markazlari uchun
Yirik logistika majmualari, ishlab chiqarish korxonalari, zavodlar va ulgurji omborlarning asosi hisoblanadi.
- Tovarlar standart tagliklarda (palletlarda) saqlanadi va maxsus yuk koʻtarish texnikasi (pogruzchik) bilan koʻchiriladi.
- RAXPRO palletli konstruksiyalari bitta yarusiga 4 tonnagacha ogʻir yukni bemalol koʻtaradi.
Nega RAXPRO metall stellajlari?
- Faqat 1-nav sertifikatlangan poʻlat va korroziyaga qarshi rux qoplama;
- Kukunli polimer boʻyoq orqali tirnalish va zangga qarshi himoya;
- Rasmiy shartnoma asosida 10 yillik yozma kafolat;
- Bepul oʻlchov olish, 24 soat ichida 3D loyiha va shaffof narx hisoblash;
- Kichik biznes uchun Uzum Nasiya orqali boʻlib toʻlash, yirik korxonalar uchun qulay lizing shartlari.
Biznesingiz uchun toʻgʻri metall stellaj tizimini bepul hisoblatib oling!
